26-09-2024
|
#25
|
رد: وإنّ ضآق صدّري من هُمومـي ~» تَنْفسّتِكْ
مساء الخير وكل الشوق
استاذتي تخصصها علم نفس
وطلبو البنات تحليل شخصية
قالت بحلل ع حسب معاشرتي لكم بس مو ع التخصص
المهم يوم جات عند اسمي
قالت منال عاد كلها احس دلع وانوثة واناقة
احس كل ماتكبري مابيتغير ذا فيك
قالت وحدة من البنات من جد نحسها انثى مرة
<<<طبعآ عندي حس السماجة عالي كنت بتسيمج بس مسكت حالي ههههه
المهم قالت عادي اسالك سوال كم عمرك ؟
قلت اي عادي بعد شهر بدخل 31 ماشاء الله
قالت شفتي اقولك انك مهما تكبري احسك بتكوني كذا
ملامحك اصغر وروحك مرحة وكلك انوثة ودلع
قالت انتي صغيرة قلت لا الكبيرة قالت مو واضح
قلت ابدا الكبيرة مكروفة هههه
قالت احس عندك استقلالية صح وثقة بنفسك
وقامو البنات قالو حنووونة بعد
المهم انحرجت جد من التعليقات
ووجهي احتر وصرت طماطم بعز الصباح هههههه
وبعدها كملت بنهاية الدوام
عندي فنون الرد بكل شي سريع
الا فن الرد ع المدح انحرج بقووووووة وانسى وش ارد
ايام قليلة بس اعرف ارد بقية الاوقات ماعرف ارد
مدري ليه بالمدح استحي ويقلب وجهي هههه
اسولف مع وحدة من البنات وهي بفصل ثاني وعاد مندمجة بالسالفة
وهي حاطة يدها ع خدها تتاملني استحيت من نظراتها
وبالاخير قمت ضحكت قلت اشبك تتطالعني كذا
قالت تعرفين معجبة فيك وباسلوبك ماشاء الله
ليتك توافقين ع طلبي
طبعا بغض النظر عن الطلب
قلت الله يسعدك بس لاتطالعين كذا ماعرف اسولف
عاد حرفيآ لازم اتعلم فن الرد ع المدح واضبط ملامح وجهي
عشان ماتفشل وانحرج بالاخير هههه
|
|
|
|
|
|