منتديات تتنفسك دنياي - عرض مشاركة واحدة

Awards Showcase · 21-04-2025

مرحبا هيل عداد السيل

طبعا اليوم وبكرا اجازة اخذتها ويوم الثلاثاء يبداً الشفت الجديد لدوامي. وخلاص يصير أداوم 8ساعات بس بس كل شهر ب عياده
طبعا قلت بما أني اجازة حندلع نفسي. ونسوي. مساج علاجي والريفلكسولوجي وحمام مغربي وحلاقة وترتيب شعر وحجزت vip وموعدي ساعة3
كلمت ولد اختي يأخذني لان كنت خايف السكر ينزل ويغمى علي
قلت له سوق وأنا باكل بالطريق لحد ما نوصل
وأنا بالطريق تقريبا باقي 10 دقايق واوصل. للمكان
واحد من أصحابي. يشتغل ب المكان
قال نايف غيرو موعدك ل ساعة 3:30
قلت له كيف
قال ماارسلو لك.
قلت لا مااحد تواصل. معي << أنا هنا عصبت تنرفزت
قال والله المدير غيره لان اللي قبلك تاخر
قلت على كيفه هو أنا. حاجز موعد. ودافع أنا زبون
والله رحت ونزلت ونزل ولد اختي. معي عشان ما أتهور ويصير شيء
دخلت طبيعي السلام عليكم وأنا كل جسمي يرتعش من العصبيه
عندي موعد ساعة 3
قال. حياك الله تفضل.
قلت في. احد بالمكان. قال اي بس دقايق ويخلص.
بس. تفضل. اجلس.
جلست وضيفني جات الساعة 3:11 دقيقه وأنا. مادخلت
قمت. قلت لو سمحت أنا مستعجل وإلا الآن مادخلت المفروض ادخل على موعدي وبالكثير لو تأخرت
ادخل و10
قال دحين اشوفلك الموضوع بس ارتاح
راح سال حق الحمام قال ان الشخص جالس يتاخر
قلت له لو سمحت عطني. المبلغ حقي. والغى الخدمة
الموظف شافني معصب : قال ابشر. تفضل. معي للاستقبال
رحت. وجاء المدير. أشفيك يانايف. استهدي بالله وتعوذ من شيطان
قلت له أنا هادى
قال ليه الغير مايصير تطلع وأنت زعلان ومو راضي
قلت له أنا زبون وجاي قبل الوقت لو أني. متاخر كان ألغيت موعدي
مايصير كذا الاستهتار بمواعيد الناس
قال نعتذر منك وحقك علينا بس التأخير مو منا. من العميل
وأنت زبون مميز. ما نبي. نخسرك مايصير إلا اللي. تبيه والعميل
دحين طلع تعال ادخل واستهدي ولا يهمك راح ندلعك اليوم
كم نايف عندنا <<< ياحلو لسانهم يأكلون بعقلنا حلاوه بكلامهم
مشيت معه وأنا أتعوذ من شيطان وولد اختي ريان يقول يا خال هدى وخلاص سوي هذه المره
دخلت وأنا مرة متنرفز مااحب التلاعب بالمواعيد قلت له بدخل بس بشوف متى دخل العميل
قال كلمه قلت لا أبي شوف الفاتوره حقته
قال ولايهمك وجابها لي ودخلت ودلعوني
وقدم قهوة لي ولما. خرجت قال نعيما رضيت علينا دلعناك صح ضحكت قلت له بعد ايش
تعبتو أعصابي. بس شغلكم يرحم لكم والراحة اللي. بالمكان الواحد يجي يبي. يرتاح وتخلونه في. استرس قوي

بس والله الواحد يكون على موعده
أنا دقيق بالمواعيد