روح هادئة، ونفس لاترغب بـ شيء

قبل امس كان زواج واحد من الجماعة الله يهنيه ويسعده يارب
ماشاء الله كان الزواج جميل من تنظيم وتجهيزات ومطربين كل شيء جميل
بدأ الزواج ماشاء الله من العصر لحد ساعة 3 الفجر
أنا وصلت القاعة بعد صلاة العشاء
استمتعت والله كان الزواج جميل من أشخاص الكل يلعب ويغني وفرحان
طقينا طار ولعبنا عرضه جنوبيه ورقصنا
الله يسعده
رجعت البيت جسمي كله مكسر من اللعب والرقص
واليوم احسن الحمدلله
عاد كنت ارقص وجاء راشد وسحبني وقال تعال
رحت معه ووقفني عند الفرقه اللي يطقون طار
وقال لهم عطوه طار ترا يعرف يلعب به ههههه
قلت له ياولد وش ترا ماعرف أنا أطقطق بس
وعطاني واحد ووطقيت واستمتعت
وجاني واحد كبير من العمر
قال لي ياولدي انت من بيت مين مشبهه عليك
قلت له ولد عبدالعزيز عسيري واخوي أحمد
قال ماشاء الله بس ماتشبه اخوانك
قلت له ليه ؟
قال ماقصد شيء ياولدي بس ماشاء الله انت جميل وعيونك ماشاء الله
قلت الكل جميل ياعم أنا ولا شيء عند اخواني. واستأذن منك ياعم بروح
قال إذنك معك وخذ هذا رقمي إذا تبي شيء
قلت تسلم ومشيت
والله زعلني ليه يقول كذا هو صح مدح بس معي اخوي تركي. وحسيت انه زعل
قال شكله بيخطبك لبنته
قلت له امش امش

فلا تغرّنك الأقوالُ إن عظِمت
حتى تلبس من أفعالها حُلَلُ.

اليوم نزلت للنادي اجدد اشتراكي اللي انتهى ليله العيد
قال لي المدرب دكتور نايف هههه يطقطق علي
وينك مختفي ماشاء الله عليك وزنك زايد << أنا قايل انه يطقطق وزني كل ماله ينقص
قلت له جاك نايف بنفسو لك اللحم وله العظام << كان المقصد ان عطني تدريبات قويه
قال له له ليه كذا تقسى على نفسك
قلت أنا جاي عشان أنسى عطني جدول التدريب ونظام الأكل بس الله يسعدك حط شوكولاته كل يوم هههههه قال ولا يهمك ههههههه
بس والله اليوم سجلنا بالنادي وسجلنا بفريق كرة قدم وطبعا الإسطبل
كذا يصير يومك مليان ساعة نادي. وساعة ب كرة القدم وساعة ب الخيل
و8ساعات دوام يصير كذا 11ساعة تم الإنجاز والباقي طبعا نوم وطلعة شباب وقراءة ولعب هنا واكتب
تغير نظام دوامي صار كل يوم 8ساعات بدل12ساعة احسن

‏لا دخان يخرج منّي
‏كيف أبرهن أنني أحترق؟

كل من في الغرفة لاحظ وقوع الكأس،
لم يلاحظ أحد رجفة يدي.

" لَكِنَهُ غَادر ، دون أن يغادرني "

‏أرجو أن تأتي الأيام التي تكون من فرط
حنوها عليّ أكاد لا أتذكر ما أحزنني و اطفأ روحي.

أتذكر وأنا صغير
بحارتنا. القديمه كانت بنت جارتنا اسمها ندى اكبر مني هي بسنه
كنا نلعب سوى كانت تقول إذا جبت ولد باسميه نايف يارب يطلع مثلك
قلت لها ليه
قالت أبيه مثل عيونك هههه
قلت قولي ارزقني بولد عيونه مثل. نايف وخلاص. مو يطلع مثلك
كانت دايم تقول جاء الإيطالي. هههه ماعندها غير الإيطالي.
وماشاء الله امس اختي تقول لي إنها جابت ولدين وبنت واحد اسمه نايف عمره 5سنين وواحد اسمه نواف عمره سنه وبنت عمرها 7 سنين واسمها رسيل
وتقول ماشاء الله نايف ورسيل كلهم عيونهم خضراء مثلك
لما قالت لي. كذا ضحكت ضحك مو صاحي
سبحان الله دعت دعوة وربي رزقها
أقول لها ذي البنت ماشاء الله تبارك الرحمن حظها حلو
ولا وش. كمان تقول ان زوجها اسمه عبدالعزيز هيّا خذ لك ههههه
صار في واحد ثاني. اسمه نايف عبدالعزيز

‏المَوَاقف تعْطِيك
‏الإجَابة بكُلّ وضُوح فَلا تَتظاهر
‏بعَدم رؤيتَها.

مرحبا هيل عداد السيل

طبعا اليوم وبكرا اجازة اخذتها ويوم الثلاثاء يبداً الشفت الجديد لدوامي. وخلاص يصير أداوم 8ساعات بس بس كل شهر ب عياده
طبعا قلت بما أني اجازة حندلع نفسي. ونسوي. مساج علاجي والريفلكسولوجي وحمام مغربي وحلاقة وترتيب شعر وحجزت vip وموعدي ساعة3
كلمت ولد اختي يأخذني لان كنت خايف السكر ينزل ويغمى علي
قلت له سوق وأنا باكل بالطريق لحد ما نوصل
وأنا بالطريق تقريبا باقي 10 دقايق واوصل. للمكان
واحد من أصحابي. يشتغل ب المكان
قال نايف غيرو موعدك ل ساعة 3:30
قلت له كيف
قال ماارسلو لك.
قلت لا مااحد تواصل. معي << أنا هنا عصبت تنرفزت
قال والله المدير غيره لان اللي قبلك تاخر
قلت على كيفه هو أنا. حاجز موعد. ودافع أنا زبون
والله رحت ونزلت ونزل ولد اختي. معي عشان ما أتهور ويصير شيء
دخلت طبيعي السلام عليكم وأنا كل جسمي يرتعش من العصبيه
عندي موعد ساعة 3
قال. حياك الله تفضل.
قلت في. احد بالمكان. قال اي بس دقايق ويخلص.
بس. تفضل. اجلس.
جلست وضيفني جات الساعة 3:11 دقيقه وأنا. مادخلت
قمت. قلت لو سمحت أنا مستعجل وإلا الآن مادخلت المفروض ادخل على موعدي وبالكثير لو تأخرت
ادخل و10
قال دحين اشوفلك الموضوع بس ارتاح
راح سال حق الحمام قال ان الشخص جالس يتاخر
قلت له لو سمحت عطني. المبلغ حقي. والغى الخدمة
الموظف شافني معصب : قال ابشر. تفضل. معي للاستقبال
رحت. وجاء المدير. أشفيك يانايف. استهدي بالله وتعوذ من شيطان
قلت له أنا هادى
قال ليه الغير مايصير تطلع وأنت زعلان ومو راضي
قلت له أنا زبون وجاي قبل الوقت لو أني. متاخر كان ألغيت موعدي
مايصير كذا الاستهتار بمواعيد الناس
قال نعتذر منك وحقك علينا بس التأخير مو منا. من العميل
وأنت زبون مميز. ما نبي. نخسرك مايصير إلا اللي. تبيه والعميل
دحين طلع تعال ادخل واستهدي ولا يهمك راح ندلعك اليوم
كم نايف عندنا <<< ياحلو لسانهم يأكلون بعقلنا حلاوه بكلامهم
مشيت معه وأنا أتعوذ من شيطان وولد اختي ريان يقول يا خال هدى وخلاص سوي هذه المره
دخلت وأنا مرة متنرفز مااحب التلاعب بالمواعيد قلت له بدخل بس بشوف متى دخل العميل
قال كلمه قلت لا أبي شوف الفاتوره حقته
قال ولايهمك وجابها لي ودخلت ودلعوني
وقدم قهوة لي ولما. خرجت قال نعيما رضيت علينا دلعناك صح ضحكت قلت له بعد ايش
تعبتو أعصابي. بس شغلكم يرحم لكم والراحة اللي. بالمكان الواحد يجي يبي. يرتاح وتخلونه في. استرس قوي

بس والله الواحد يكون على موعده
أنا دقيق بالمواعيد