نزف الملوك بصمت

بتمر عليك عاصفة تعيد ترتيب قناعاتك وتمشي
بيمر عليك ظرف يغيّر في شخصيتك شي ويمشي
بيمر عليك شخص يجدّد نظرتك للحياة ويمشي
وبتمر عليك فرصة تحقق شي بخاطرك وتمشي"

بتمر عليك وايد امور بالدنيا و تمشي ..
لين تتأقلم، وتطلع بسلوك مختلف
وعادة جديدة وشعور ثاني،
وحكم و دروس تشوف فيها الدنيا بشكل غير ��

سويت لك من كثرالأعذار دفتر
وحطيت له عنوان اعذار خلي
يمكن تجي الفين لا والله اكثر
في كل ساعة اطلبك تعتذرلي
تصدق ان مافيه عذر تكرر
كله جديد ومنك صنعه محلي
حتى معه البوم كله مصور
ومن الغلا حطيت قسم التغلي
والخاتمه منها العلاقات تفتر
الين صدرالي قرا به يملي

على جو السهر نادت عيوني والهموم ضيوف
تزاحم في وسط صدر فتح لكبارها بابه
تلافت حزة المغرب على باب الكريم صفوف
وضيق الخاطر الي مع غثاها نوخ ركابه
ونجمات السما عنده تعلل والسما مكشوف
مع كثار الظنون الي غدت له حسبة احبابه
يقهويها من دلال الهجوس الي تبوح حروف
وهي تسمع لقصاص الحزن يقرا من كتابه

انا دفنت البوح في شفة الصمت
والنفس عن بوح الأحاسيس صامت
حتى المشاعرفي خفوقي لها سمت
لوان روحي مع هل الحب هامت
اسكت وعن سرالغلا ماتكلمت
والشوق خليته على وضع صامت
ياما سهرت بسبة الشوق مانمت
واقول عادي لو هل الشوق نامت

يالي بدنيا الحب تنشد عن الحال
هات اليدين ونترك الناس ونروح
ماشفتني عن زحمة الناس رحال
شايل معي اشياء من باقي البوح
ماشي وادور بالفضا راحة البال
يمكن الاقي بالخلا حاجة الروح
انا هناك بغربة مالها جال
جالس واساهرعلة القلب والنوح
صحيح انا محتاج للروح منزال
قلب يبث الحب ويداوي جروح
لكني اصبر لوتعب خافقي طال
واكتم عظيم الشوق لوروحي تروح

يالي على الهجران والبعد ناوي
فرقاك ساعة خافقي مايطيقه
ماتدري ان البعد للقلب كاوي
لامن فقد قلب المحبة رفيقه
الموت عندي والحياة متساوي
هذي حقيقة كان تبغى الحقيقة
في جرح هجرك مايفيد المداوي
عجل وشف للوصل اية طريقة

ياصبحها الي يشرق بوسط روحي
لعيونها مني صباح المحبين
ومعطر صبحه بمسك يفوحي
عليه من طوق المحبة رياحين

الحب نظرة وابتسامة وخفاق
في عالم العشاق هذي بداية
صدق وعطا والوصل مع لهفة اشواق
يبقى الغلا والحب ماله نهاية

اهلا هلا والشوق ياشوق ناداك
تعال جاوب لهفة الشوق فيني
صافح يميني ياحبيبي بيمناك
وانا بضمك يالغلا في يديني
مشتاق للضمة ومشتاق لشفاك
وادي ابرد لاهب الشوق فيني