وإنّ ضآق صدّري من هُمومـي ~» تَنْفسّتِكْ

‏

‏

‏

‏ مساء التحلطم شويتين قلت بما اني اقاوم النوم خليني اتحلطم شويتين احس النوم يستهبل معاي مرة من الظهر احاول مو راضي يجيني وعاد مواصلة من امس ويوم جات الساعة 3 جاني النوم وعاد ماقدر انام لان اخاف اسحبها نومة للمغرب وتوفتني الصلاة عاد اكره السهر الزايد لان مرة يتعب ويصيبني خفقان وارق اكثر بس نظامي للان مو قادرة اعدله مع الصيام والدوام ومتفقة مع بنت عمتي بعد الفطور اروح اشوفها ف ماقدر اسحبها نومة بعد مافطر وماقدر اسحب عليها لان البيت جنب البيت ومن يوم رجعت من السفر ماشفتها وكل شوي اجلها فـ جد يوم تعدل نومك يزين يومك واكلك ومزاجك ان شاء الله اعدله قريبآ ‏ ‏

‏
‏
‏

‏

نايف عبدالعزيز ,ارتواء ,مخاوي الليل معجبون بهذا

ويكفيني من الدنيا جمالًا ..
‏ دعاءٌ مِنْ مُحبٍّ دون عِلمي
‏يُناجي اللهَ يسألُهُ هَنائي ..
‏ ويُرسلُ في الدُّجَى للهِ اسمي

‏قال أحدُ السَّلَف لصاحبه:
‏"فادعُ لي إِنْ ذَكرتَني ..
‏وَأدعو لكَ إنْ ذَكرتُك ..
‏فنكون كأنَّا التقينا وَإِنْ لَمْ نَلتقِ"

نايف عبدالعزيز ,ارتواء ,مخاوي الليل معجبون بهذا

‏

‏

‏

‏ الترم الثالث ذا اللي اعيشه بالنسبة لي عبارة عن تحدي كبير وومتع لان جالسة احفظ سورة من السور الطوال ماشاء الله والفترة مرة قصيرة شهر ونص واقل ممكن فـ جالسة اتحدى نفسي عشان ماتهبط عزيمتي رغم ان البنات متحطمات وكل يوم تحلطم لكن انا ماحب اسمع شعور الاحباط واحب اتفائل واتحدى روحي اكثر ان شاء الله اكيد بالاخير راح انجز ‏ ‏ ‏ ‏

‏
‏
‏

‏

ارتواء ,مخاوي الليل ,نايف عبدالعزيز معجبون بهذا

‏

‏

‏

‏ دائما صباحات بعد الفوز والبطولة تصحى وانت رايق حتى لو ماشبعت نوم تحسك رايق وفيك حماس وذا شعوري حاليآ فيني كمية نوم لان امس بعد التتويج صابني ارق ونمت متاخر ثلاث ساعات بس لكن صحيت رايقة الحمدلله اليوم عندي حفلة بالدوام استلام الشهادة وعشان كذا مصحصحة بدري اجهز نفسي و لان الحفلة بالصباح واحس متحمسة لشوفة البنات وحشوني فـ دخلت اشارك هنا اطير شوي النوم لان لسه باقي ساعتين الحمدلله يارب بداية يومي جميلة وان شاء الله بتكون نهايته كذا ‏ ‏ ‏ ‏

‏
‏
‏

‏

نايف عبدالعزيز ,ارتواء معجبون بهذا

شعور مرهق :
هو أن تحتار مابين راي عقلك او قلبك

نايف عبدالعزيز معجب بهذا

‏

‏

‏

‏ صباح الخير مع روقان وحوسة الصباح النية كنت بنام الصباح دام تقهويت بالليل وقلت اعدل نومي بدل اللخبطة وخلاص بستعد للنوم الا فجاة قمت تمكيجت وكشخت وبعد ماخلصت استعياب متاخر انا مو بنام مدري صدق وش جوووي وانا بنام عاد خلاص حرام الكشخة ذي وانام ع طول وقلت بسوي لي كابتشينو واطلب سناكات من السوبرماكت وطلبت وارسلت للمندوب اللوكيشن وقال وصلت ،، وكلمت الحارس بالعادة يكون صاحي ع حظي اليوم صوته كانه نايم وحسيت تانيب شوي ضمير وعاد توهقت لان المندوب ماوصل البيت صح رايح مكان ثاني وانا مستحيل اوصف لان بجيب العيد بالوصف يمكن لان ماحطيت الشغلة براسي ماعرف اوصف << وحدة ترقع لنفسها كالعادة هههههه عاد ويرسل لي المندوب مكان وانا وش يدريني وين والحوسة اكلم اختي بالجوال توصف لي وارسل للمندوب بالواتس الوصف، والحارس واضح عصب من اسلوبه والحمدالله انه وصل بالاخير << دوم معاناتي كذا لـ جاء مندوب مايفهم اتورط لو مالاقي احد يوصف له وبالاخير قلت ليتني استخرت ونمت افضل ‏ ‏: ‏ ‏

‏
‏
‏

‏

نايف عبدالعزيز معجب بهذا

اللهم اختر لي ولا تُخيرني فإني لا أُحسن الاختيار
‏اللهم إني أستخيرك في أموري كُلها وإني وكلتُك أمري فجَنبني الحيرة وألهمني بقرار بهِ أستقيم.

نايف عبدالعزيز معجب بهذا

‏قرأت نص يقول..؟
بأنه كلما كتم المرء
‏أحزانه وراكمها
‏كلما تحولت تدريجيا إلى آلام جسدية
‏تخيلوا مدى هشاشة المرء
‏حين يظن أن الكتمان إِنتصار
‏بينما في الحقيقة
‏هي أكبر هزيمة
‏قد يرتكبها بحق نفسه

نايف عبدالعزيز معجب بهذا

شعور متعب جدآ
لما يكون ..؟
ودك تبكي بس ماتقدر
تخاف احد يسمعك
وودك تصرخ بكل مافيك لكنه صعب
وودك تنام لكن خايف من النوم
وبالاخير تصيبك ..؟
غصة البكاء تخنقك وتوجعك اكثر

نايف عبدالعزيز معجب بهذا